Karimkunnam Live
Flash News

BUSINESS & AUTOMOBILES

ഡീസൽ നിരോധനം വന്നാൽ ഏതൊക്ക വാഹനങ്ങൾ വിപണിയിൽ നിന്ന് അപ്രത്യക്ഷമാകും എന്നു നോക്കാം..

May 24, 2016, 17:29 PM IST

img-495052.jpg

 
സംസ്ഥാനത്തു 2000 സിസിയിൽ അധികം വരുന്ന ‍ഡീസൽ വാഹനങ്ങളുടെ നിരോധനം ഹരിത ട്രൈബ്യൂണൽ പ്രഖ്യാപിച്ചുകഴിഞ്ഞു. ഈ നിരോധനം നിലവിൽ വന്നാലത് ഏറ്റവുമധികം ബാധിക്കുക മഹീന്ദ്ര, ടാറ്റ, ടൊയോട്ട പോലുള്ള വാഹന നിർമാതാക്കളെയാണ്. കൂടാതെ ആ‍‍ഡംബര വാഹന നിർമാതാക്കളായ ഔഡി, ബെൻസ്, ബിഎംഡബ്ല്യു തുടങ്ങിയവരേയും ബാധിക്കും. കേരളത്തിൽ ഏറ്റവുമധികം വിൽപ്പനയുള്ള പല വാഹനങ്ങളുടേയും വിൽപ്പന നിർത്തേണ്ടി വന്നേക്കാം.
 
അപ്രായോഗികമായ വിധി എന്നാണ് ഇതിനോട് കേരളത്തിലെ വാഹന വിതരണക്കാർ ഇതിനകം പ്രതികരിച്ചിരിക്കുന്നത്. വാഹന മേഖലയിൽ ജോലി ചെയ്യുന്ന ലക്ഷക്കണക്കിന് ആളുകളുടെ വരുമാന മാർഗവും ഈ വിധി നടപ്പാക്കിയാൽ ഇല്ലാതാകും എന്നും അവർ പറയുന്നു. കൂടാതെ സെക്കൻഡ് ഹാൻഡ് വിപണിയേയും പ്രതികൂലമായി ബാധിക്കുന്ന വിധി ആളുകളെ വാഹനം വാങ്ങുന്നതിൽ നിന്നു വരെ പിന്തിരിപ്പിച്ചേക്കാമെന്നും അവർ ഹരിത ട്രൈബ്യൂണലിന്റെ നിലപാടുകളോടു പ്രതികരിക്കുന്നു.
 
ഡല്‍ഹി മാതൃകയില്‍ 2000 സിസിയ്ക്ക് മുകളില്‍ എന്‍ജിന്‍ കപ്പാസിറ്റിയുള്ള പുതിയ ഡീസല്‍ വാഹനങ്ങളുടെ രജിസ്‌ട്രേഷന്‍ കേരളത്തില്‍ നിരോധിച്ചു. ദേശീയ ഹരിത ട്രൈബ്യൂണലിന്റെ കൊച്ചി സര്‍ക്യൂട്ട് ബഞ്ചിന്റേതാണ് ഉത്തരവ്. പൊതു ആവശ്യങ്ങള്‍ക്കുള്ള വാഹനങ്ങള്‍ക്ക് മാത്രം ഇതില്‍ ഇളവ് അനുവദിക്കും.
 
സംസ്ഥാനത്തെ ആറ് കോര്‍പ്പറേഷന്‍ പരിധിയില്‍ പത്ത് വര്‍ഷത്തില്‍ അധികം പഴക്കമുള്ള ഡീസല്‍ ലൈറ്റ് - ഹെവി വാഹനങ്ങള്‍ ഓടാന്‍ അനുവധിക്കരുതെന്നും ഉത്തരവില്‍ പറയുന്നു. തിരുവനന്തപുരം, കൊല്ലം, കൊച്ചി, തൃശൂര്‍ , കോഴിക്കോട്, കണ്ണൂര്‍ എന്നീ നഗരങ്ങള്‍ക്കാണ് ഇത് ബാധകം. ഉത്തരവിറങ്ങി ( 23.05.2016) 30 ദിവസത്തിന് ശേഷം നിയമം ലംഘിക്കുന്ന വാഹനങ്ങള്‍ക്ക് ഓരോ തവണയും 5,000 രൂപ വീതം പിഴ നല്‍കേണ്ടിവരും.
 
ട്രാഫിക് പോലീസോ മലിനീകരണ നിയന്ത്രണ ബോര്‍ഡോ ആണ് പിഴ ഈടാക്കേണ്ടത്. ഇതിനായി സംസ്ഥാന മലിനീകരണ നിയന്ത്രണ ബോര്‍ഡ് പ്രത്യേക അക്കൗണ്ട് തുടങ്ങണമെന്നും നിര്‍ദേശമുണ്ട്. ഇങ്ങനെ ലഭിക്കുന്ന പണം ഈ നഗരങ്ങളിലെ പരിസ്ഥിതി സംരക്ഷണ പ്രവര്‍ത്തനങ്ങള്‍ക്കായി വിനിയോഗിക്കണം.
 
സംസ്ഥാനത്തെ മോട്ടോര്‍ വാഹന വകുപ്പിനെ വെട്ടിലാക്കുന്നതാണ് ദേശീയ ഹരിത ട്രൈബ്യൂണലിന്റെ ഉത്തരവ്. പതിനഞ്ച് കൊല്ലത്തെ റോഡ് നികുതി മുന്‍കൂറായി വാങ്ങിയിട്ട് 10 വര്‍ഷം പഴക്കമുള്ള വാഹനത്തിന് എങ്ങനെ നിരോധനം ഏര്‍പ്പെടുത്തുമെന്നതാണ് പ്രധാന പ്രശ്നം.
 
കേരളത്തില്‍ ഡീസല്‍ വാഹനങ്ങളില്‍ നിന്നുള്ള പുക മൂലമുള്ള മലിനീകരണം രൂക്ഷമാണെന്നും ഇതുതടയണമെന്നും ചൂണ്ടിക്കാട്ടി എറണാകുളത്തെ ലോയേഴ്‌സ് എന്‍വയോണ്‍മെന്റല്‍ അവേര്‍നസ് ഫോറം ( LEAF) നല്‍കിയ ഹര്‍ജിയില്‍ ജസ്റ്റിസ് സ്വതന്തര്‍ കുമാര്‍, വിദഗ്ധാംഗം ബിക്രം സിംഗ് സജ്‌വാന്‍ എന്നിവരുള്‍പ്പെട്ട ബെഞ്ചിന്റേതാണ് ഇടക്കാല ഉത്തരവ്.
 
ഉത്തരവ് നടപ്പിലാക്കിയാല്‍ സ്കൂള്‍ വാഹനങ്ങള്‍ അടക്കം അയിരക്കണക്കിന് വാഹനങ്ങളെ റോഡില്‍ നിന്ന് ഒഴിവാക്കേണ്ടതായി വരും, സ്കൂള്‍ അടുത്തയാഴ്ച തുറക്കുന്ന സാഹചര്യത്തില്‍ ബസുകളുടെ കുറവ് അധ്യയനത്തെ ബാധിക്കുമെന്ന് ട്രാന്‍സ്‍പോര്‍ട് കമ്മീഷണര്‍ ടോമിന്‍ ജെ. തച്ചങ്കരി അഭിപ്രായപ്പെട്ടു. ഉത്തരവിന്റെ പകര്‍പ്പ് പരിശോധിച്ചശേഷം അപ്പീല്‍ കൊടുക്കുന്ന കാര്യം പരിഗണിക്കുമെന്നും അദ്ദേഹം പറഞ്ഞു.
 
ദേശീയ ഹരിത ട്രൈബ്യൂണലിന്റെ കൊച്ചി സര്‍ക്യൂട്ട് ബഞ്ച് കേരളത്തില്‍ രജിസ്ട്രേഷന്‍ നിരോധിച്ച  ഡീസല്‍ കാറുകള്‍
 
1.ഷെവര്‍ലെ ടവേര
 
2. ഷെവര്‍ലേ ട്രെയ്ല്‍ബ്ലേസര്‍
 
3. ഫോഡ് എന്‍ഡേവര്‍
 
4. മിത്‍സുബിഷി പജേരോ സ്പോര്‍ട്
 
5. ഹ്യുണ്ടായി സാന്റാഫേ
 
6. മഹീന്ദ്ര ബൊലേറോ
 
7. മഹീന്ദ്ര സ്കോര്‍പ്പിയോ
 
8 മഹീന്ദ്ര എക്സ്‍യുവി 500
 
9. മഹീന്ദ്ര സൈലോ
 
10. മഹീന്ദ്ര സങ്യോങ് റെക്സ്‍റ്റണ്‍
 
11. ടാറ്റ സഫാരി
 
12. ടാറ്റ സഫാരി സ്റ്റോം
 
13. ടാറ്റ സുമോ
 
14. ടാറ്റ ആരിയ
 
15. ടൊയോട്ട ഇന്നോവ
 
16. ടൊയോട്ട ഫോര്‍ച്യൂണര്‍
 
17. ടൊയോട്ട ലാന്‍ഡ് ക്രൂസര്‍
 
18.  ടൊയോട്ട ലാന്‍ഡ് ക്രൂസര്‍ പ്രാഡോ
 
19. ഔഡി ക്യു ഫൈവ് ( 3.0 ലിറ്റര്‍ ടിഡിഐ)
 
20. ഔഡി ക്യു സെവന്‍
 
21. ഔഡി എ 8 എല്‍
 
22. ബിഎംഡബ്ല്യു ഫൈവ് സീരീസ് 530 ഡി
 
23. ബിഎംഡബ്ല്യു എക്സ്‍ 3 30 ഡി
 
24. ബിഎംഡബ്ല്യു എക്സ്‍ 5
 
25. ബിഎംഡബ്ല്യു എക്സ്‍ 6
 
26. ബിഎംഡബ്ല്യു 6 സീരീസ്
 
27. ബിഎംഡബ്ല്യു 7 സീരീസ്
 
28. ജാഗ്വാര്‍ എക്സ്‍എഫ്
 
29. ജാഗ്വാര്‍ എക്സ്‍‍ജെ എല്‍
 
30. ലാന്‍ഡ്‍റോവര്‍ ഫ്രീലാന്‍ഡര്‍ 2
 
31. ലാന്‍ഡ്‍റോവര്‍ ഡിസ്കവറി സ്പോര്‍ട്
 
32. ലാന്‍ഡ്‍റോവര്‍ റേഞ്ച് റോവര്‍ ഇവോക്ക്
 
33. ലാന്‍ഡ്‍റോവര്‍ ഡിസ്കവറി
 
34. ലാന്‍ഡ്‍റോവര്‍ റേഞ്ച് റോവര്‍ സ്പോര്‍ട്
 
35. ലാന്‍ഡ്‍റോവര്‍ റേഞ്ച്റോവര്‍ ലോങ് വീല്‍ബേസ്
 
36. മസാരാറ്റി ഗില്‍ബി
 
37. മസരാറ്റി ക്വാട്രോപോര്‍ട്ട്
 
38. മെഴ്‍സിഡീസ് ബെന്‍സ് എ ക്ലാസ്
 
39. മെഴ്‍സിഡീസ് ബെന്‍സ് ബി ക്ലാസ്
 
40. മെഴ്‍സിഡീസ് ബെന്‍സ് സിഎല്‍എ ക്ലാസ്
 
41. മെഴ്‍സിഡീസ് ബെന്‍സ് ജിഎല്‍എ ക്ലാസ്
 
42. മെഴ്‍സിഡീസ് ബെന്‍സ് സി ക്ലാസ്
 
43. മെഴ്‍സിഡീസ് ബെന്‍സ് ഇ ക്ലാസ്
 
44. മെഴ്‍സിഡീസ് ബെന്‍സ് ജിഎല്‍ഇ ക്ലാസ്
 
45. മെഴ്‍സിഡീസ് ബെന്‍സ് സിഎല്‍എസ് ക്ലാസ്
 
46. മെഴ്‍സിഡീസ് ബെന്‍സ് ജിഎല്‍എസ് ക്ലാസ്
 
47. മെഴ്‍സിഡീസ് ബെന്‍സ് എസ് ക്ലാസ്
 
48. പോര്‍ഷെ മക്കാന്‍
 
49. പോര്‍ഷെ കയേന്‍
 
50. പോര്‍ഷെ പനമേറ
 
 

Follow us on

© COPYRIGHT KOTTAPPADY 2015. ALL RIGHTS RESERVED